38790
Prestakuntza-orduak
3742
Ikasleak
363
Ikasketak
ZubiGune Fundazioa irabazi asmorik gabeko erakunde pribatua da, enpresen, Usurbileko Lanbide Heziketako ikastetxearen eta zentro teknologikoen arteko aliantzatik sortutakoa, gure ingurunearen garapen teknologikoan eta sozialean inplikatutako eragileen arteko lankidetzaren aldeko konpromisotik.
Batasun horrekin, egia bihurtu da aspaldiko asmo bat: egiten den ikerkuntza ardatz dadin eta gure enpresa txiki eta ertainetara irits dadin lortzera bideratutako erakunde bat sortzea.
ZubiGune Fundazioa batez ere enpresa-ingurune batean zentratzen da; enpresa-mundu horrek, askotan, ez du lortzen –garaiz eta modu egokian– gure ikerkuntza-zentroek lortutako aurrerapen teknikoak eskuratzerik, eta horrexetan, hain zuzen ere, uste dugu lan egin dezakegula, prestakuntzaren eta sentsibilizazioaren bitartez, eta proiektuak sustatuz.
Misioa
Etengabeko Prestakuntza eta Ikaskuntza Iraunkorra sustatzea eta garatzea, Lanbide Heziketako edozein familia profesionaletan eta Profesionaltasun-ziurtagirien familia profesionaletan.
Ikuspegia
ZubiGune Fundazioaren ikuspegia da Lankidetza-espazio bat izatea, Zentro Teknologikoen, Lanbide Heziketaren eta Enpresen arteko zubia.
Jakintzaren, egiten jakitearen eta egitearen zubietan oinarritzen da ZubiGune Fundazioaren kultura.
ZubiGune Fundazioa irabazi asmorik gabeko erakundea da, sortzaileen borondatez eratu zena, eta interes orokorreko ondorengo helburuak dituena:
- Etengabeko Prestakuntza eta Ikaskuntza Iraunkorra sustatzea eta garatzea, Lanbide Heziketako aurrez aipatutako edozein familia profesionaletan eta Profesionaltasun-ziurtagirien familia profesionaletan, aurrez aurreko edo online bidezko prestakuntzaren bitartez, langabeei eta arlo publikoko zein pribatuko profesionalei zuzenduta.
- Ekintzaileentzako, mikro-enpresentzako eta enpresa txiki eta ertainentzako berrikuntza-zerbitzuak.
- Ekintzaileei, mikro-enpresei eta enpresa txiki eta ertainei lehiakortasuna hobetzen laguntzea.
- Aholkularitza-zerbitzuak, ekonomia-sustapenerako eta enpresa-dinamizaziorako.
- EAEko, gainerako Autonomia Erkidegoetako eta beste herrialde batzuetako irakasleen eta ikastetxeen prestakuntzaren arloko eskariari erantzutea.
- Irakasleen eta ikasleen elkartrukeak antolatzea, EAEko, beste Autonomia Erkidego batzuetako eta beste herrialde batzuetako antzerako ezaugarriak dituzten erakundeekin.
- Enpresek gazteak kontratatzeko dituzten eskariak kudeatzea.
- Familia Profesionaletako hastapeneko prestakuntzako ikasketak eguneratzeko eta hobetzeko proposamenak diseinatzea.
- Bazterkeria-arriskuan edo zaurgarritasun egoeran dauden emakumeentzako berariazko tailerrak eta prestakuntza garatzea, genero-berdintasuna sustatzeko.
- Bazterkeria-arriskuan dauden pertsonen gizarteratzea eta lan-munduratzea sustatzea, eta etorkinei lan-munduratzea erraztea.
- Estatuko beste Autonomia Erkidego batzuekin, Europako eskualdeekin eta Amerikako herrialdeekin lankidetza-ekimenetan parte hartzea, eskualdeen eta Hegoaldeko herrialdeen garapenari bideratuta.
- Prestakuntzaren eta bestelako ekimenen bitartez, haurrak, nerabeak eta gazteak babestera, gizarte-zerbitzuetara, gizarteratzera, genero-berdintasunera eta mendekotasunaren arretara bideratutako jarduerak egitea.
- Enplegurako Lanbide Heziketako zerbitzuak, presoen prestakuntzako gabeziak estaltzeko eta haien prestakuntza profesionala hobetzeko helburuz, haien lan-munduratzea erraztuz eta birgizarteratzen lagunduz.
Klika ezazu jaitsi nahi duzun Memoriaren ikonoa:
PATRONATUA:
Presidente: Patxi Vaquerizo
Vicepresidente: Jesús Mª Gómez (INSTAGI)
Vocal: Ana Ugalde (Cámara de Gipuzkoa)
Vocal: Mikel Sarriegi (ADEGI)
Vocal: Daniel Castander (DOMUSA)
Vocal: Iñaki Mujika
ERAKUNDE ERATZAILEAK:
Webguneak bisita ditzakezu, dagozkien logotipoetan sakatuta:
LAGUNTZAILEAK:
